منتديات جامعة القاهرة للتعليم المفتوح
هذا الصندوق ليس للإزعاج بل هو للترحيب بكم
فإن كان يزعجكم اضغط على ( إخفاء ) ـ
و إن كان يهمكم أمر المنتدى فيسعدنا انضمامكم
بالضغط على ( التسجيل ) تظهر بيانات التسجيل البسيطة
بعدها تصبحون أعضاء و ننتظر مشاركتكم
ِ
فأهلا بكم

فى جامعة القاهرة للتعليم المفتوح
__________________


... كلية الحقوق &&& كلية التجاره &&& كلية الاداب...
 
الرئيسيةالبوابةالتسجيلدخول

شاطر | 
 

 شرح اخر باللغه العربية وباللهجه المصرية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
weezz
كبار الشخصيات
كبار الشخصيات


عدد المساهمات : 100
معدل النشاط : 199
مكان الامتحان : القاهرة

مُساهمةموضوع: شرح اخر باللغه العربية وباللهجه المصرية   الأربعاء 11 يناير 2012, 8:47 pm













اللى عنده صعوبة فى مسائل الواريث يدخل على طول, طرق حل مسائل الوراريث
خيارات






الموضوع مقسوم على جزثين الاول ملخص لطريقة حل مسائل المواريث و الثانى شرح مفصل باسالة
الجزء الاول


الفئة الاولي :- أصحاب الفروض (وهم أكثر من شخص ممن لهم صلة قرابة بالمتوفى )
الزوجة- البنت الصليبية – الأب – الزوج - بنت الابن- الجد- الجدة- الأم-الأخوة لأم-الأخت لأب-لأخت الشقيقة

اولا : الزوجة :للزوجة حالتين
الاولي : تأخذ الزوجة الربع 1\4 في حالة عدم وجود فرع وارث
الثانية : تأخذ الزوجة الثمن 1\8 في حالة وجود فرع وارث
والثمن 1\8 هو النصيب الوحيد المقدر للزوجة فقط كما ورد بالقران الكريم والسنة النبوية ( بناءا ع قول الدكتور )
اي تنفرد الزوجة وتختص به فقط وغير مقرر للاخرين

ثانيا : البنت الصليبية وللبنت الصليبية ثلاث حالات :

الاولي : تأخذ النصف1\2 لأنفرادها وعدم وجود عاصب
الثانية : تأخذ الثلثين 2\3 لتعددهن وعدم وجود عاصب
الثالثة : تأخذ الباقي تعصبيا (ق.ع) في حالة وجود ابن ( للذكر مثل حظ الانثيين )

ثالثا : الأب :للأب ثلاث حالات :
الاولي : يأخذ السدس 1\6 لوجود فرع وارث
الثانية : يأخذ السدس1\6 + الباقي تعصيبا لوجود فرع وارث مؤنث
الثالثة : يأخذ الباقي تعصيبا لعدم وجود فرع وارث مطلقا

رابعا : الزوج: للزوج حالتين :
الاولي : يأخذ النصف1\2 لعدم وجود فرع وارث مؤنث
الثانية : يأخذ الربع 1\4 لوجود فرع وارث مؤنث

خامسا : بنت الابن :لبنت الابن ثلاث حالات :
الاولي : في حالة عدم وجود البنت تحل محلها بنت الابن وتأخذ
- النصف 1\2 لانفرادها -الثلثان لتعددهن 2\3 - الباقي تعصيبا ق.ع مع ابن الابن
الثانية : تأخذ السدس 1\6 لوجود بنت صليبية
الثالثة : تحجب اي لا ترث في حالة وجود :
1- الابن 2 – البنتين

سادسا : الجد للجد ثلاث حالات :
الاولي : في حالة عدم وجود اب يحل محل الابن ويأخذ في هذه الحالة
- السدس 1\6 لوجود فرع وارث مذكر - السدس 1\6 + الباقي تعصيبا ق.ع لوجود فرع وارث مؤنث
- الباقي تعصيبا لعدم وجود فرع وارث مطلقا
الحالة الثانية : في حالة وجود اخوة اشقاء او ااخوة لاب يشاركهم كأخ بشرط الا يقل نصيبه عن السدس 1\6
الحالة الثالثة : يحجب بالأب

سابعا : الجدة

- تأخذ السدس 1\6 - الأم تحجب الجدتين ( أم أم - أم أب ) - الأب يحجب الجدة الأبوية ( أم أب ) فقط - الجدة الاقرب تحجب الابعد
ثامنا : الأم: للأم ثلاث حالات :
الاولي : تأخذ الأم السدس 1\6 (1) لعدم لوجود فرع وارث مطلقا (2) لعدم لوجود جمع من الاخوة (1)
الثانية : تأخذ الثلث 1\3 (1) لعدم وجود فرع وارث (2) لعدم وجود جمع اخوة

الثالثة : تأخذ ثلث 1\3 باقي التركة في حالة انحصار التركة في الابوين واحد الزوجين

تاسعا : الاخوة لأم : للأخوة لأم ثلاث حالات

الاولي : السدس 1\6 لانفراده وعدم وجود من يحجبه
الثانية : الثلث 1\3 لتعددهم وعدم وجود من يحجبهم وللذكر مثل حظ الانثي
الثالثة : يحجب بــــ (1) الفرع الوارث مطلقا (2) الاصل المذكر ( الاب - الجد )

عاشرا : الاخت لاب الاخت لاب لها ستة حالات
الاولي : تأخذ النصف 1\2 لانفرادها وعدم وجود من يحجبه او يعصبها
الثانية : الثلثان 2\3 لتعددهن وعدم وجود من يعصبهن او يحجبهن
الثالثة : الباقي تعصيبا ق.ع مع الاخ للأب ( للذكر مثل حظ الانثيين )
الرابعة : الباقي تعصيبا مع فرع وارث مؤنث بنت
الخامسة : السدس 1\6 مع وجود اخت شقيقة
السادسة : تحجب الاخت لاب في هذه الحالات:
(أ‌) – وجود فرع وارث مذكر (ب‌) – وجود الاب ( ج) - وجود الاخ الشقيق
(د) – الاختين الشقيقتين (هـ) – الاخت الشقيقة العصبة مع فرع وارث مؤنث


الحادية عشر : الاخت الشقيقة للاخت الشقيقة خمس حالات :

الاولي : النصف 1\2 لانفرادها وعدم وجود من يعصبها او يحجبها
الثانية : الثلثان 2\3 لتعددهن وعدم وجود من يعصبهن او يحجبهن
الثالثة : الباقي تعصيبا مع الاخ الشقيق ( للذكر مثل حظ الانثيين )
الرابعة : الباقي تعصيبا مع فرع وارث مؤنث بنت
الخامسة : تحجب لــ (1) وجود فرع وارث مذكر (2) وجود اب

والدكتور قال عنها ف المحاضرة انها الاخت ام شنب يعني تحجب ما يحجبه الاخ
-- الاخت الشقيقة العصبة مع فرع مؤنث – اخ شقيق – بنت او بنت ابن - اخت شقيقة – اخ شقيق او اخت ام شنب تحجب ما يحجبه الاخ
====================================================================
الفئة الثانية : العصبات
يشتر ط فى العصبات ان يكون (1) ذكر -رجل يعنى- (2) يربطه بالميت رجل -اب وابنه- زى ما قال االدكتور راجل ابن راجل ينقسموا الي ثلاث عصبات
(1) عصبة بالنفس (2) العصبة بالغير (3)العصبة مع الغير

(1)عصبة بالنفسوهو كل ذكر يتصل بالمتوفي عن طريق ذكر وينقسموا الي اربع جهات :
(أ) – جهة البنوة وتتمثل في ( الابن - ابن الابن وان نزل )
(ب) – جهة الابوة وتتمثل في ( الاب - الجد )
(ج) – جهة الاخوة وتتمثل في ( اخ شقيق – اخ لاب – ابن اخ شقيق – ابن اخ لاب )
(د) جهة العمومة وتتمثل في ( عم شقيق – عم لاب – ابن عم شقيق – ابن عم لاب )

(2) العصبة بالغير :للذكر مثل حظ الانثيين : انثي + ذكر ( بنت + ابن ) ( بنت ابن + ابن ابن ) ( اخت لاب + اخ لاب ) ( اخت شقيقة + اخ شقيق )
ويشترط ف العاصب ان يكون من نفس الجهة ومن نفس الدرجة ونفس قوة القرابة

(3)العصبة مع الغير :فرع مؤنث + اخت
بنت بنت ابن ........ تأخذ فرضها اخت اخت شقيقة اخت لاب ...... الباقي تعصيبا
ملحوظات :
1) الجهة الاعلي تحجب الجهة الادني ما لم تكن الجهة الادني صاحبة فرض
2) اذا اتفقا ف الجهة واختلفا ف الدرجة الاقرب درجة يحجب الابعد درجة ( الابن يحجب ابن الابن )
3) اذا اتفقا ف الجهة والدرجة فالاقوي قرابة يحجب الاضعف قرابة ( الاخ الشقيق يحجب الاخ لاب )
* بمعني ان كل واحد يحجب اللي تحته والذي يليه *
================================================================================
=======
الفئة الثالثة : ذوي الارحام

ذوى الارحام هم كل قريب للمتوفي وليس من اصحاب الفروض وليس العصبات ويتم توارثهم كالتالي :-
1) جهة البنوة : اولاد البنات واولاد بنات الابن – الذكور والاناث – ابن بنت – بنت ابن – ابن بنت ابن .
2) جهة الابوة : الجد غير صحيح ( أب أم - أب أب أم – أب أم أب ) -الجدة غير الصحيحة : ( أم أب أم - أم أب أم أب )
3) جهة الاخوة : - اولاد الاخوات الشقيقات ذكور او اناث ( ابن اخت شقيقة – بنت اخت شقيقة )
- بنات الاخوة الاشقاء اولاد لاب او لام ( بنت اخ شقيق – بنت اخ لاب )
- ابناء الاخوة لام ( ابن اخ لام – بنت اخ لام )
4) جهة العم والخال ( عم لام – عمة – خال – خالة )
ملاحظات :
الفرع الوارث المذكر هو ( الابن – ابن الابن – ابن الابن الابن )
الفرع الوارث المؤنث وهو ( البنت – بنت الابن – بنت ابن الابن )
الجد الصحيح وهو ( كل من ينتسب الي الميت دون ان تتوسط بينه وبين الميت انثي مثل ( اب اب – اب اب الاب )
الجد غير الصحيح ( يعتبر من ذوي الارحام وهو الذي يتوسط بينه وبين الميت انثي مثل اب الاب – اب ام اب )
==============================================================
طريقة حل مسائل الميراث
الخطوة الاولي :- نقوم بتحديد الورثة وبيكونوا ف المسألة
الخطوة الثانية :- نعطي لكل وارث ما يستحقه وهي ما تسمي بـــ الانصبة او الفروض
الخطوة الثالثة :- التعليل وهو ذكر السبب الذي من اجله وزعت هذه الانصبة ( دا اذا الدكتور طلبه )
الخطوة الرابعة :- نأتي بأصل المسألة
الخطوة الخامسة: :- نأتي بنصيب كل وارث
الخطوة السادسة :- نأتي بقيمة السهم الواحد
الشرح : -
الخطوة الاولي :-
وهي القيام بتحديد الورثة ودا هيكون من خلال اننا نحفظ الفروض ونشوف مين هيتحرم ومين هيحجب ومين هيأخد كام وكل دا ف الكلام الا فات الا هو الفروض والعصبات

الخطوة الثانية
: وهي القيام بتحديد نصيب كل وارث مع مراعاة الورثة الا معاه يعني نشوف الا معاه دا ينقص منه ولا مش يأثر عليه ودي ممكن تكون المشكلة في اني المسألة كلها تطلع غلط لو مش ركزنا في فروض كل وارث

الخطوة الثالثة :-
وهي التعليل يعني بنذكر ليه كل وارث اخذ النصيب او الفرض دا ( ودا ف حالة اذا الدكتور طلبه ولو مش طلبه واتكتب مش هيأثر

الخطوة الرابعة : وهي الاتيان بأصل المسألة ( )
اصل المسألة اما ان يكون الاعداد ( 2 ، 3 ، 4 ، 6 ، 8 ، 12 ، 24 )
طيب قالك لما تلاقي السدس والثلث 1\ 6 و 1\3 في المسألة يبقا اصل المسألة الا هتشتغل بيه هو ستة 6
ولما نلاقي النصف والسدس 1\2 و 1\6 يبئا اصل المسألة 12
ولو الفروض كانت الثمن والسدس والنصف 1\8 و 1\6 و 1\2 و 1\4 بيكون اصل المسألة 24
يعني مش عايزين ناخدها بالحفظ بس هو قال بنجرب الارقام بتاعة اصل المسالة وبندء بالصغير يعني من الـــ 2 ونشوف هتقبل القسمة ع كل الفروض ولا لا ما نفعش الرقم دا نأخد الا بعده وهكذا ..

الخطوة الخامسة :-
وهي الاتيان بنصيب كل وارث من المذكورين ف التركة
يعني دي ليها خطوتين الاولي اننا هنعمل ايه ؟
هنقول مثلا فرض الزوج وليكن 1\4 مااااااشي واصل المسألة 12 طيب عايزين نطلعه رقم صحيح نعمل ايه
هنقسم اصل المسألة علي 4 الا هي البسط
يبئا هنكتب كدة الزوج يساوي كذا 12 علي 4 = 3 وهكذا

الخطوة السادسة :-
نأتي بقيمة السهم الواحد وهو يساوي ( قيمة التركة التي تركها المتوفي (علــــــي) اصل المسألة )
بعد كدة عايزين نعرف كل وارث هيأخد كام
هنقول كدة ( نصيب مثلا الزوج ) = هنكتب نصيبه الا هو طلع 3 فوق اهو ونضربه في قيمة السهم الواحد
يعني مثلا كدة هنقول 3 X 4000 مثلا = 12000 فدان ولا جنيه ع حسب المسائلة

وبس كدة خلاص
طيب خلصنا عايزين نتأكد ان الا عملناه دا صح هنعمل ايه ؟؟

هنجمع سهام الورثة كلها الا هي الخطوة الاخيرة خالص الا هي يعني نصيب كل وارث ف الاخر طلع كام نجمعهم ولازم يعطونا قيمة التركة التي تركها المتوفي كاملة لو ما طلعش الناتج زي قيمة التركة يبئا العيب اما ف الفروض او اصل المسألة ولازم نعيدها تاني
وهو قال مش هيجيب مسائل معقدة اوي بس قال لازم نركز ف الفروض واصل المسألة لانهم هما الاساس الا بتتبني عليه فاذا صلح صلحت باكملها
كيفية توحيد المقامات تاااااااااااااااني


اذا كان ف المقام 3 او 8 او 6 يبئا اصل المسالة 24
اذا كان ف المقام 4 او 3 او 6 " " " 12
عدا ذلك نوحد ع الرقم الاكبر يعني مثلا 1\6 و 1\2 يبئا الاصل = 6
لو 1\8 و 1\4 يبئا الاصل = 8

بس برضوا نحط الارقام كلها اودامنا ونبدا بالصغير ونشوف يقبل ع كل الفروض ولالا ؟
حاجة اخيرة بئا بس انا مش فاهماها اووووووووي علشان ما اوصلش معلومة غلط
وهي تصحيح اصل مسألة الميراث هي ليها خطوتين فباريت حد يتبرع ويقولها



الجزء التانى

نبدا على بركة الله " الدرس الاول "
" اللهم انا نسالك فهم النبيين وحفظ المرسلين والملائكة المقربين .. اللهم اجعل السنتنا عامرة بذكرك وقلوبنا بخشيتك انك على كل شىء قدير "
بصوا بقى .. انا هشرح باللهجة العامية علشان نفهم احسن .. اوك .. توكلنا على الله
مادة المواريث دي تتعلق بتقسيم التركة على ورثة الميت .. وخدوا بالكم من الملاحظات دي :
* لما تجيلك مسالة ويقوللك توفى عن : زوجة و ابن وبنت مثلا .. تنظر لعلاقة هؤلاء الورثة للمتوفى وليس لعلاقتهم ببعضهم البعض .. يعنى ما يجيش واحد ذكى ويقولى طيب هما الابن والبنت اخوات .. مالناش دعوة .. احنا اللى يهمنا علاقتهم بالميت ..
* احنا هنبدا اولا بمعرفة انصبة الورثة وبعد كده ازاى نحل المسالة .. يعنى اهم حاجة تعرف الوريث ده ليه الربع ولا النصف ولا ايه بالضبط .. وفى الدرس اللى بعده هنطبق بالارقام ..
* فيه بعض المصطلحات ناخد بالنا منها .. يعنى مثلا ( ق . ع ) اختصار لكلمة ( الباقى تعصيبا ) وده بتكون للذكور فقط لان البنت لا تعصب نفسها .. ومعنى الباقى تعصيبا انه ياخد باقى التركة لوحد .. وخدوا بالكم ان البنت لا تعصب نفسها .. لكن الولد يعصب نفسه ويعصب اخته وهكذا
* هناك فرق بين الولد والابن .. الولد ده ممكن يكون ابن او بنت .. يعنى لما اقوللك حسين جاله ولد .. يبقى قصدى انه جاله مولود ممكن يكون ذكر او انثى .. اما الابن ده معناه انه ذكر .. ابسطهالك .. لما القران الكريم يقول " ان لم يكن له ولد " يبقى قصدنا انه مالوش ولد ذكر كان او انثى .. اعتقد انها كده وصلت .

نــــــــــبــــــــــدا بـــــــــقــــــــى
اولا : هنبدا باصحاب الفروض ودول عددهم 12 .. هييجى واحد ولا واحدة تقولى يعنى ايه اصحاب الفروض ؟
اصحاب الفروض دول يعنى اول ناس بياخدوا حقهم من التركة وبيكون نصيبهم محدد .. بمعنى انهم بياخدوا حقهم اول حاجة مالهمشى فيه .. ودول 12 زى ما قلنا .. هناخد كل مرة 2 علشان نقدر نذاكرهم اول اتنين من اصحاب الفروض هنبدا بيهم .. الزوج والزوجة
الزوج :
ولما يقوللك الزوج يبقى بالطبع ان الميت زوجة .. والزوج ليه حالتين فى الميراث ..
1 ... لو ما كانشى الزوجة المتوفاة عندها ولد ( زى ما قلنا ولد يعنى ذكر او انثى ) .. ابسهالك .. يعنى اذا لم يكن للزوجة المتوفاة فرع وارث ذكرا كان او انثى .. يرث الزوج فى هذه الحالة ( النصف فرضا ) ونكتبها هكذا : ( 1\2 ف ) .
2 ... لو كان بقى للزوجة المتوفاة ده فرع وارث ذكرا كان او انثى .. يعنى ابن او بنت او ابن ابن او بنت ابن .. يرث الزوج فى هذه الحالة الربع فرضا ( 1\4 ف ) .
ملحوظة هامة : الفرع الوارث يعنى الابن او البنت او ابن الابن او ابن ابن الابن او بنت الابن او بنت ابن الابن .. اما ابن البنت وا ابن بنت الابن وهكذا فده لا يعتبر فرع وارث ويرث الزوج النصف زى ما هو
الاستنتاج العام : ان الزوج لا يحجب باى حال من الاحوال حجب حرمان ولكن يحجب حجب نقصان بس فى حالة وجود ايه ؟ .. فرع وارث .
التطبيق بقى واللى يهمنا بس ميراث الزوج :
* توفيت عن : زوج ، ابن ، بنت ابن
هنا الزوج يرث الربع .. ليه ؟ .. لوجود الفرع الوارث

ميراث الزوجة :
بصوا بقى .. الزوجة زى الزوج بالضبط ليها حالتين برده بس بتاخد نصف الزوج .. بمعنى :
1 ... اذا لم يكن للزوج فرع وارث ، وعرفنا المقصود بالفرع الوارث ، ترث الزوجة ربع التركة .
2 ... اما بقى لو كان للزوج فرع وارث مذكر او مؤنث منها او من زوجة ثانية ، هنا ترث الزوجة ثمن التركة فقط .
*** ملحوظة هامة :- لو تعددت الزوجات ، بمعهنى انه مثلا مات وترك اربع زوجات ، هنا كلهم يشتركوا فى الربع او الثمن .. يعنى ما يجييش حد ذكى ويدى لكل واحد الربع او كل واحدة الثمن .
التطبيق بقى وعايزين برده ميراث الزوجة بس :
م (1) * توفى عن : زوجة ، واب ، واخ شقيق هنا الزوجة ترث 1\4 ف ( الربع فرضا ) ، لعدم وجود الفرع الوارث.
م(2) * توفى عن : زوجتان ، وابن ابن ، وام هنا الزوجتان يشتركون فى ال 1\8 ف ( الثمن فرضا لوجود الفرع الوارث وهو ابن الابن )
الدرس الاول ( مكرر )
" تطبيقات على ميراث الزوج والزوجة "
بصوا بقى . احنا طبعا عرفنا انصبة الزوج والزوجة فى الميراث .. عايزين ناخد بقى امثلة عملى بالارقام علشان نعرف الامتحان بييجى ازاى اوكى
ملاحظات هامة :* اول خطوة فى المسالة نكتب الورثة .. يعنى لو فى حد محجوب نقول ان ده محجوب بسبب كذا .. ولو زوج مثلا ليه النصف نقول ان ده ليه النصف زى ما هنشوف كمان شوية .
* ثانى حاجة نشوف سهام الورثة .. يعنى ايه بقى سهام الورثة ؟ .. يعنى بالبلدى كده هنقسم التركة حتت متساوية .. ونعرف كل وريث ليه كام حتة وبعد كده نضرب عدد اسهم كل واحد فى قيمة السهم .. طبعا مش فاهمين حاجة .. هنوضح حالا
* اهم حاجة بقى .. نعرف ان :
- اصغر رقم يقبل القسمة على ال 2 و ال 3 هو ال 6 . - اصغر رقم يقبل القسمة على ال 2 وال 4 هو 4 .
- اصغر رقم يقبل القسمة على ال 6 و ال 8 هو ال 24 . و هكذا نبدا بقى نطبق ونشوف هنحل ازاى
س1 . توفيت عن : زوج ، وابن ، وبنت . وترك 820 جنيها .
الحل:
الخطوة الاولى : الورثة : زوج ، ابن وبنت
1\4 ف ، ق . ع
هنا اللى يهمنا الزوج .. ركزوا معايا فى الزوج لانه هيورث الربع فرضا .. لوجود الفرع الوارث .
كده خلصنا من الخطوة الاولى .
الخطوة الثانية : اصل المسالة = 4
اصل المسالة .. يعنى ايه اصل المسالة ؟ .. اصل المسالة يعنى اصغر رقم يقبل القسمة على كل المقامات اللى عندك .. وبما ان ده مسالة لسه بسيطة .. فما عندناش غير مقام واحد وهو ال ( 4 ) .. يبقى اصل المسالة = 4
الخطوة الثالثة : سهام الورثة : للزوج 1 ، وللابن والبنت 3
يعنى ايه الكلام ده ؟ .. احنا قلنا ان اصل المسالة ده كاننا قسمنا الورث ل 4 حتت او اسهم .. هنا الزوج ليه فى الاسهم ده قد ايه ؟
ليه ( 1 ) بس .. لانه واخد الربع .. يبقى 4 ( اللى هو اصل المسالة ) ÷ 4 ( اللى هو المقم بتاع الزوج ) × ا ( اللى هو بسط الزوج ) .. والاب والبنت هياخدوا الباقى تعصيبا يبقى ياخدوا ال ( 3 ) الباقيين من الاربعة . فهمتوا
(2)
الخطوة الرابعة : احنا قلنا اننا قسمنا الورث لاربع حتت .. عايزين نعرف بقى كل حتة او سهم = كام ؟
هنعمل ايه .. حاجة بسيطة خالص .. هنقسم الميراث كله على اصل المسالة
يبقى قيمة السهم = 820 ÷ 4 = 205 جنيه يبقى كل سهم = 205 جنيه ..
نشوف بقى .. الزوج ليه كام سهم .. شطورة .. ليه سهم واحد
يبقى ميراث الزوج = 1 ( اللى هو عدد اسهم الزوج ) × 205 ( اللى هو قيمة السهم ) = 205
ميراث الابن والبنت = 3 ( اللى هو عدد اسهمهم ) × 205 ( اللى هو قيمة كل سهم برده ) = 615 جنيه
وكده خلصت المسالة .. صعبة ؟
------------------------------------
س2 . توفى عن : زوجة ، وابنين و ثلاثة بنات . وترك 80 فدانا .
( الحل )
1. الورثة : زوجة ، ابنين وثلاثة بنات
1\8 فرضا
لوجود الفرع الوارث ، ق . ع
2. اصل المسالة : 8
3. السهام : للزوجة 1 ، وللابنين والثلاث بنات 7
4. قيمة السهم : 80 ÷ 8 = 10 افدنة . ( يبقى قيمة كل سهم = 10 افدنة )
5. نصيب الزوجة = 1 × 10 ( عدد اسهمها × قيمة السهم ) = 10 افدنة
6 . نصيب الابنين والثلاث بنات = 7 × 10 = 70 فدانا وكده خلصة المسالة

(الدرس الثانى)
ثالثا : البنت الصلبية :
واحد يقولى ايه يا عم الكلام المكعبر ده .. صلبية ايه وبتاع ايه .. بصوا يا جماعة .. البنت الصلبية هى بنت الميت مباشرة .. احنا قلنا اننا بننظر للورثة بحسب علاقتهم بالميت .. فده بقى تبقى بنت الميت مباشرة .. يعنى بنته اللى من صلبه مباشرة وعلشان كده سميت بالبنت الصلبية
طيب ميراث البنت الصلبية بقى ؟
البنت الصلبية ده بترث بالفرض وليها 3 حالات :
الحالة الاولى : لو كانت واحدة فقط .. يعنى لا ليها اخت ولا ليها اخ يعصبها .. هنا فى الحالة ده بتاخد نصف التركة لوحدها ( 1\2 ف ) .
مثال : توفى عن : زوجة ، بنت ، اب
الحل : هنا الزوج طبعا هياخد الربع لوجود فرع وارث وهو البنت ، والبنت هتاخد 1\2 ف لانها واحدة
الحالة الثانية : لو كانت بقى اكثر من واحدة .. يعنى مثلا لو كانوا بنتين او ثلاثة او عشرة حتى .. هنا كلهم بيشتركوا فى 2\3 ف .. يعنى كلهم بالبلدى كده يخمسوا فى الثلثين .
مثال : توفى عن : زوجة ، وثلاثة بنات ، واب الحل : هنا الثلاثة بنات ياخدوا الثلثين فرضا ( 2\3 ) ف

ملحوووووووووظة هامة جدا: الثلثين ده هو الحد الاقصى لارث البنات شرعا .. يعنى البنات ما ينفعش ياخدوا اكثر من الثلثين .. انشاء الله يكونوا مليون بنت حتى .. هما الثلثين ما فيش غيرهم .
بس ممكن ييجى واحد يختبرنى .. يقولى طيب ما ممكن واحد يموت ومالوش غير بنت واحدة ويبقى هى هتاخد التركة كلها ..
اقولها بس استنى يا معلم .. هى اصلا هتاخد 1\2 ف لانها واحدة .. طيب والنص الثانى .. النص التانى ده بقى حاجة هناخدها بعد كده اسمها الرد .. يبقى هى هتاخد النصف اصلا فرضا .. والنصف الثانى هتاخده ردا وليس فرضا
المهم انا عايزكوا تعرفوا دلوقتى ان الثلثين ده هو الحد الاقصى لارث البنات شرعا
الحالة الثالثة والاخيرة :
لو كان بقى معها من يعصبها .. واحنا لو تفتكروا معايا كده قلنا ان البنت لا تعصب نفسها .. يبقى لازم مين يعصبها .. ذكر فى نفس درجتها وهو الابن الصلبى .. وفى الحلة ده البنت هتورث بالتعصيب ( ق.ع)
مثــال : توفى عن : زوجة ، وبنت ، وابن .
الحل : هنا الزوجة هتاخد الثمن بس لوجود الفرع الوارث ، اما البنت والابن فياخدوا ( ق.ع ) .. هياخدوا باقى التركة كلها تعصيبا ( للذكر مثل حظ الانثيين ). بس .. ده كل حالات البن الصلبية .. صعبة ؟ .. نطبق بقى بالارقام علشان نفهم .
س1 . ( مثال على الحالة الاولى ) توفيت عن : بنت ، وزوج ، واخ لاب . وتركت 128 جرام ذهب .
ج 1 . الورثة : بنت ( 1\2 ف ) ، وزوج ( 1\4 ف ) واخ لاب ( ق . ع )
اصل المسالة : 4 ( اصغر رقم يقبل القسمة على كل المقامات اللى عندك )
السهام : ( اصل المسالة ÷ المقام × البسط ) للبنت 2 (4÷2×1) ، للزوج 1 ، للاخ لاب 1
قيمة السهم : 128 جراما ÷ 4 = 32 جراما نصيب البنت = 2 × 32 = 64 جراما
نصيب الزوج = 1 × 32 = 32 جراما نصيب الاخ لاب = 1 × 32 = 32 جراما
=====================================
س2 . ( مثال على الحالة الثانية ) ثلاثة بنات ، وابن ابن . وترك 162 فدانا .
ج1 . " ناخد بالنا هنا ان ابن الابن لا يعصب الثلاثة بنات لانه مش فى نفس درجتهم .. احنا قلنا لازم يكون ابن صلبى "
الورثة : ثلاث بنات (2\3 ف ) ، وابن الابن ( ق.ع )
اصل المسالة : 3
السهام : للبنات 2 ( اصل المسالة ÷ مقامهم × بسطهم ) ، ولابن الابن 1
بصوا بقى ............. دلوقتى احنا عندنا 3 بنات .. ونصيبهم سهمين .. يبقى احنا لو قسمنا السهمين ÷ ال 3 بنات لازم
هيطلعلنا كسر .. وحنا مش عايزين فى المسالة اى كسور .. نعمل ايه ؟
هنعمل حاجة اسمها تصحيح للمسالة .. يعنى ايه ؟ .. خدوا القانون ده :
لما تلاقى هيطلعلك كسر .. تعمل حاجة بسيطة خالص .. دلوقتى مين اللى عاملك المشكلة .. ال 3 بنات ..
تضرب ال 3 بنات × اصل المسالة = هيطلعلك اصل المسالة الجديد وتفكك من القديم خلاص
يعنى 3 ( اللى هى اصل المسالة ) × 3 ( اللى هما عدد رؤووس البنت اللى عاملين المشكلة ) = 9 ( اصل المسالة الجديد )
طيب افرض اللى كان عاملك المشكلة ابنين او جدين او اخين .. تضرب برده اللى عاملك المشكلة × اصل المسالة .
* طيب افرض بقى كان اللى عاملك المشكلة والكسر ( مشكلين ) .. يعنى مثلا ( ولد وبنتين ) ؟ .. اوع تقولى ولد وبنتين
يبقوا 3 وتروح ضارب فى اصل المسالة .. هتنضرب

لو عندك ولد مع اثنين بنات .. لازم تضرب الولد × 2 .. لان الولد بيورث اد البنت
مرتين .. كانك هتشيل الولد وتحط مكانه بنتين .. يبقى تضرب اصل المسالة × 4 مش 3 .. مفهوووومة ده .
( خدوا بالكم من الحتة ده قوى علشان طول السنة هتقابلنا مسائل محتاجة تصحيح )
نرجع بقى لمسالتنا .. هنا اصل المسالة الجديد = 3 ( اصل المسالة القديم ) × 3 ( عدد رؤوس البنات ) = 9
قيمة السهم = 192 ÷ 9 = 18 فدانا
نصيب الثلاث بنات = 6 × 18 = 108 فدان
نصيب ابن الابن = 3 × 18 = 54 فدان
===========================
س3 . ( مثال على الحالة الثالثة ) توفيت عن : زوج ، واب ، وبنت ، وابن . وتركت 765 جنيه ؟
ج 3 . الورثة : زوج ( 1\4 ف ) ، اب ( 1\6 ف ) ، ابن وبنت ( ق.ع )
اصل المسالة = 12
السهام : للزوج 3 ، وللاب 2 ، وللبنت والابنا معا 7
قيمة السهم = 576 ÷ 12 = 48 جنيها
نصيب الزوج = 3 × 48 = 144 جنيها
نصيب الاب = 2 × 48 = 96 جنيها
نصيب البنت والابن = 7 × 48 = 336 جنيها . تقسم بينهم للذكر مثل حظ الانثيين .
------------------------------------------------
" الــــــــدرس الثالث"
( ميراث بنت الابن )
بصوا بقى .. بنت الابن ده هى بنت ابن الميت مباشرة .. يعنى عارفين الابن الصلبى للميت ؟ .. ده بقى بنت ابن الميت الصلبى
تعالوا نشوف بقى ده ايه نظامها فى الميراث ؟
بنت الابن لها خمس ( 5 ) حالات :
------------------------------------
الحالة الاولى : تاخد النصف فرضا ( 1\2 ف ) .. يعنى زى الحالة الاولى للبنت الصلبية .. بس بشرط .. ان ما يكونشى معاها لا
بنت صلبية ولا ابن ابن فى درجتها .. يعنى لا يكون معاها بنت صلبية ولا حد يعصبها .. تعالوا ناخد مثال .
( مثال ) . توفيت عن : بنت ابن ، وزوج ، واخ شقيق . وتركت 116 فدانا ؟
( الحل ) . هنا بنت الابن لا معاها بنت صلبية ولا معاها حد يعصبها ( واللى هو ابن ابن فى درجتها ) .
الورثة : بنت الابن ( 1\2 ف ) ، الزوج ( 1\4 ف ) ، الاخ الشقيق ( ق.ع )
اصل المسالة : 4
السهام : لبنت الابن 2 ، وللزوج 1 ، وللاخ الشقيق 1
قيمة السهم = 116 ÷ 4 = 29 فدانا . نصيب بنت الابن = 2 × 29 = 58 فدانا . نصيب الزوج = 1 × 29 = 29 فدانا . نصيب الاخ الشقيق = 1 × 29 = 29 فدانا .

الحالة الثانية : تاخد الثلثان فرضا ( 2\3 ف ) اذا كانت اثنتان او اكثر ولم يكن معها بنت صلبية ولا من يعصبهن وهو ابن الابن
فى درجتهم . يعنى برده لو تلاحظوا نفس حوار البنت الصلبية .
( مثال ) : توفى عن : بنتى ابن ، وثلاث زوجات ، وابن اخ شقيق . وترك 912 فدانا ؟
( الحل ) : هنا بنتى الابن مش معاهم لا بنت صلبية ولا حد يعصبهم وهما اثنان فاكثر .. تبقى حالة ثالثة .
الورثة : بنتا ابن ( 2\3 ف ) ، ثلاث زوجات ( 1\8 ف ) ، ابن اخ شقيق ( ق.ع )
اصل المسالة = 24
سهام الورثة = لبنتى الابن 16 ، للزوجات 3 ، لابن الاخ الشقيق 5 .
قيمة السهم = 912 ÷ 24 = 38 فدانا . نصيب بنتى الابن = 16 × 38 = 608 فدانا تقسم بينهما مناصفة بالتساوى .
نصيب الثلاث زوجات = 3 × 38 = 114 فدانا . نصيب ابن الاخ الشقيق = 5 × 38 = 190 فدانا .
=====================================
الحالة الثالثة : طيب افرضوا بقى بنت الابن كان معاها ابن ابن فى درجتها .. هنا ترث معه - ق.ع - ( عصبة بالغير ) للذكر مثل حظ الانثيين .. بس خدوا بالكم .. لازم يكون ابن ابن فى درجتها .. يعنى لو بنت ابن و ( ابن ابن ابن ) ما يعصبهاش لانه اقل منها بدرجة الا اذا كانت محتاجاله .. زى ما هوريكوا بعد كده ................... ( مثال ) : توفى عن : زوجة ، وام ، واب ، وبنت ابن ، وابن ابن . وترك 1080 جنيها ؟
( الحل ) : هنا بقى .. بنت الابن معاها ابن ابن فى درجتها يعن يعصبها .
الورثة : الزوجة ( 1\8 ف ) ، الام ( 1\6 ف ) ، الاب ( 1\6 ف ) ، وبنت الابن وابن الابن ( ق.ع )
اصل المسالة = 24 . ( ولو مش عارف .. اضرب ال 6 × 8 = 48 .. اقسمه على 2 وجرب كده هتلاقيه طلع 24
وده اصغر رقم ممكن يقبل القسمة على ال 6 ، 8 .. لانك لو قسمت ÷ 2 تانى = 12 مش تقبل القسمة ÷ 6 ، 8 ) .
السهام : للزوجة 3 ، للام 4 ، للاب 4 ، ولبنت الابن وابن الابن ( ق.ع ) 13
قيمة السهم = 1080 ÷ 24 = 45 جنيها . نصيب الزوجة = 3 × 45 = 135 جنيها .
نصيب الام = 4 × 45 = 180 جنيها . نصيب الاب = 4 × 45 = 180 جنيها .
نصيب بنت الابن وابن الابن = 13 × 45 = 585 جنيها تقسم بينهم للذكر ضعف الانثى .
=====================================
الحالة الرابعة : بصوا بقى الحالة ده .. هنا بترث بنت الابن ( واحدة او اكثر ) السدس فرضا ( 1\6 ف ) اذا وجد معها بنت صلبية واحدة او بنت ابن واحدة اعلى منها فى الدرجة ، ولم يكن معها من يعصبها .
طيب عايز واحد ذكى يقولى ليه هى هنا هتاخد السدس
احنا قلنا ان الثلثين هو الحد الاقصى لارث البنات شرعا .. طيب لو فى بنت صلبية واحدة او بنت ابن اعلى منها هياخدوا النصف فرضا لانها واحدة .. تقوم بنت الابن ده بقى هنا تاخد 1|6 بقية الثلثين .. يعنى انت لو جيت وجمعت ال 1\2 اللى خدته البنت الصلبية او بنت الابن الاعلى فى الدرجة + 1\6 = 2\3 وهو الحد الاقصى لارث البنات شرعا . ( مثال ) : توفى عن : بنت ، وبنت ابن ، واب . وترك 96 فدانا ؟
( الحل ) : الورثة : البنت ( 1\2 ف ) ، بنت الابن ( 1\6 ف وهو تكملة الثلثين ) ، الاب ( 1\6 ف + ق.ع )
اصل المسالة = 6
السهام = للبنت 3 ، ولبنت الابن 1 ، وللاب ( 1+1 = 2 )
قيمة السهم = 96 ÷ 6 = 16 فدانا . نصيب البنت = 3 × 16 = 48 فدانا .
نصيب بنت الابن = 1 × 16 = 16 فدانا . نصيب الاب = 2 × 16 = 32 فدانا .

الحالة الخامسة : ( الحجب ) وهى فى الحقيقة مش حالة بالمعنى الحرفى .. يعنى بالبلدى كده مين اللى لو موجود يخلى
بنت الابن لا ترث .. يعنى يحجبها عن الميراث .. هما اربعة مالهمش خامس :
1 . الابن الصلبى . ( لان ده زى الجوكر .. لو موجود بيقش كل حاجة ) .
2 . ابن الابن الاعلى منها فى الدرجة . ( لان ده هيبقى زيه زى الابن الصلبى لو موجود ) .
3 . البنتان الصلبيتان فاكثر اذا لم يكن معاها من يعصبها .
( لانهم لو 2 او اكثر هياخدوا الثلثين وده اقصى حد لارث البنات شرعا .. فبنت الابن فى الحالة ده مش هتورث الا اذا كان معاها من يعصبها ، وهو ابن ابن فى درجتها ، او ابن ابن اقل منها فى الدرجة لو كانت محتاجة له ) .
4 . بنتا ابن فاكثر اعلى منها فى الدرجة اذا لم يكن معها من يعصبها . ( لانهم برده هياخدوا 2\3 ف ود الحد
الاقصى لارث البنات شرعا .. فهنا برده مش هتورث الا اذا كان معاها حد يعصبها وياخدوا هما الاتنين ق.ع ) .
===================================
هناخد بقى دلوقتى بعض الملاحظات المهم للدروس القادمة :
" العصبات " :
العصبات ده 3 انواع ( عصبة بالنفس - عصبة بالغير - عصبة مع الغير )
( أ ) . العصبة بالنفس : وده معناه ان الشخص بيعصب نفسه .. وده زى ما قلنا للذكور فقط .. يعنى اياك ييجى حد يقولى ان فى بنت هتورث عصبة بالنفس .. البنت لا تعصب نفسها ابدا .
الاشخاص بقى اللى بيعصبوا نفسهم دول 20 بالضبط .. تحفظيهم زى اسمكم بالترتيب :
1 . الابـــــــــــــــــــــن الــــــــصــــــلــبــى 2 . ابــــــــن الابــــــــن وان نــــــــــــــــزل .
3 . الابــــــــــــــــــــــــــــــــــــــــــــــ ــــــــــ . 4 . الـــــــــــــــــجــــــــــــد الــصــحــيــــح .
5 . الاخ الـــــــــــــــــــــــــــــشــــقـــيـــــق . 6 . الاخ لابـــــــــــــــــــــــــــــــــــــــــــــــ ــ .
7 . ابن الاخ الـــــــــــــــــــــشــــــــقــــــيق . 8 . ابن الاخ لابــــــــــــــــــــــــــــــــــــــــــ .
9 . العم الــــــــــــــــــــــــــــــــشــــــقــيــق . 10 . الــــــــــــــــــــــعــــــــــــــــــــــم لابــ .
11 . ابــــــــــن الــــــــعــــم الـــشــقــيـــق . 12 . ابــــــــــــــــــــــــــــــن الــــعــــم لاب .
13 . عــــم الاب الــــــــــــــــــشـــقـــــيــق . 14 . عــــــــــــــــــــــــــــــــــــــم الاب لاب .
15 . ابـــــــــــــــــــن عـــم الاب الــشقــيق . 16 . ابـــــــــــــــن عـــــــــــــــــم الاب لاب .
17 . عـــــــــــــــــــم الـــــــجـــد الـشـقـيـق 18 . عـــــــــــــــــــم الـــــــــجـــــــــــد لاب .
19 . ابــــــــن عــــــــم الـــــجد الــشـقـيـق . 20 . ابــــــــن عــــــــم الـــــجـــــــــــد لاب .
" هما دول كل اللى بيعصبوا نفسهم .. وخدوا بالكم .. ان كلهم ذكور اهو .. ما فيهومش اى انثى .. وخدوا بالكم من حتة لازم يتحفظوا بالترتيب ده .. لان كل واحد ما بيخليش اللى بعده يورث بالتعصيب .. يعنى الابن لو موجود .. هو اللى يورث بالتعصيب بالنفس .. ما فيش .. نشوف اللى بعده وهكذااااااااااااااا .................................... " .
( ب ) . العصبة بالغير : وده بقى بتكون بين انثى او اكثر ( مع ) ذكر او اكثر .. وبتنحصر فى :
1 . اخت شقيقة او اكثر ( مع ) اخ شقيق او اكثر . 2 . اخت لاب او اكــــثر ( مع ) اخ لاب او اكــثــر .
3 . بنت او اكـــــــــثـــر ( مع ) ابــــــن او اكــثــر . 4 . بنت ابن او اكثر ( مع ) ابن الابن اذا كان من درجتها .
" ودول بقى مش لازم يتحفظوا بالترتيب .. هما سهلين اصلا " .. دول بياخدو) ق . ع (. بس بالغير .زى ما الابن والبنت كده ياخدوا ( ق.ع ) " .
( ج ) . العصبة مع الغير : وهى خاصة بالاخوات الشقيقات او الاخوات لاب مع الفرع الوارث المؤنث .. وتنحصر فى :
1 . اخت شقيقة او اكثر ( مع ) بنت او اكثر 2 . اخت شقيقة او اكثر ( مع ) بنت ابن او اكثر .
3 . اخـــــت لاب او اكثر ( مع ) بنت او اكثر , 4 . اخـــــت لاب او اكثر ( مع ) بنت ابن او اكثر .
يعنى بالبلدى كده .. الطرف الاول فى كل واحدة من الاربعة ( الاخت الشقيقة او اكثر ، الاخت لاب اواكثر ) .. وفى حالة وجود الطرف الثانى .. تعتبر عصبة مع الغير وتاخد ( ق.ع ) .. بس خدوا بالكم ان الطرف الثانى ما ياخدشى معاها ق . ع .. هو هياخد نصيبه عادى .. كان الطرف الاول عصب نفسه بس فى حالة وجود الطرف الثانى .

مـــــــــــــــــــــــــــثــــــال : بنت ، اخت شقيقة ؟
" هنا البنت تاخد 1\2 ف .. والاخت الشقيقة تاخد ق.ع ( عصبة مع الغير لوجود البنت ) .
======================================
مراجعة وملخص على ميراث اول اربعة من اصحاب الفروض
------------------------------------------------------------
الـــــــــــــــــــــــــــــــــــــــــــزوج
1 . يرث النصف فى حالة عدم وجود فرع وارث مطلقا . 2 . يرث الربع فقط فى حالة وجود الفرع الوارث .
3 . لا يحجب باى حال من الاحوال حجـب حرمان ، ويحجب حجب نقصان فقــط فى حالة وجود الفرع الوارث .
الــــــــزوجــــــــــــــــــــة
1 . ترث الربع فى حالة عدم وجود فرع وارث مطلقا ، سواء كان مذكرا او مؤنثا .
2 . ترث الثمن فقط وذلك فى حالة وجود الفرع الوارث .
3 . لا تحجب باى حال من الاحوال حجب حرمان ولكن تحجب فقط حجب نقصان من الربع الى النصف فى حالة وجود الفرع الوارث .
الــــــــــــــبــنــت الـــصـــــلــــبـــــيـــــــــــة
1 . ترث النصف اذا كانت واحدة ولم يكـن معها من يعصبها وهو الابن الصلبى
2 . ترث الثلثان اذا كانت اكثر من واحدة ولم يكن معهن من يعصبهم .
3 . ترث عصبة بالغير وذلك اذا وجد معها ابن صلبى ، وسواء كانت واحــــدة اواكثر .
4 . لا تحجب باى حال من الاحوال لا حجب نقصان ولا حجب حرمان
بـــــــــــــــــــــــــــنــــــــــــــــت الابـــــــــــــــــــــــــــ 1. ترث النصف فرضا وذلك اذا كانت واحدة ولم يكن معها من يعصبها ، وهو ابن ابن فى درجتها او ابن ابن ادنى منها فـــــى الدرجة ان كانت محتاجة له .
2 . ترث الثلثان فرضا اذا كانت اكثر من واحدة ولم يــــكن بنت صلبية ولا احد يعصبهن .
3 . ترث السدس تكملة الثلثان فى حالة وجود معها بـــنـتصلبية واحدة .
4 . ترث عصبة بالغير فى حالة وجود ابن ابن فى درجتها اوادنى منها فى الدرجة اذا كانت محتاجة له .
5 . تحجب عن الميراث بكل من :
( أ ) الابن الصلبى او ابن الابن الاعلى منها فى الدرجة . ( ب ) بنتان صلبيتان او اكثر او بنتا ابن او اكثر اعـــلــى منها فى الدرجة ، ولم يكن معها من يعصبها
( ده كان ملخص لكل اللى فات .. بس ده يتراجع منه بس للى مذاكر .. لكن ما ينفعشى حد يذاكرمنه لاول مرة لانه مش هيفهم
حاجة .. علشان كده اللى عايز يذاكر يذاكر من دروس الشرح ويفتكر بس من المراجعة ده .. كلامى واضح وصريح )
الدرس الرابع رقم ( 5 ) من اصحاب الفروض خامسا : ميراث الاب
وطبعا المقصود هنا هو اب الميت مباشرة .. وده ليه 3 حالات فى الميراث .. تعالوا نشوفهم مع بعض :
الحالة الاولى : يرث السدس فرضا فقط لا غير ( 1\6 ف ) ، وده اذا كان للميت فرع وارث مذكر .. بكرر .. فرع وارث مذكر ..
يعنى الابن ، وابن الابن ، وابن ابن الابن .... وهكذا ... وانت نازل عالسودان .
مـــــثــــــــال : توفى عن ، ابن ابن ، اب . وترك 60 فدانا .
الـــــــحــــل : الورثة : الاب ( 1\6 ف ) ، ابن الابن ( ق.ع )
اصل المسالة = 6
سهام الورثة = للاب 1 ، ولابن الابن 5 . قيمة السهم = 60 ÷ 6 = 10 فدان .
نصيب الاب = 1 × 10 = 10 افدنة . نصيب الابن = 5 × 10 = 50 فدانا .
----------------------------------------------------------------
الحالة الثانية : يرث السدس فرضا + ق.ع .. وهنا بقى عكس الحلة اللى فوق .. وهى حالة وجود الفرع الوارث المؤنث ..يعنى بنت الابن ، وبنت ابن الابن . .. فياخذ الاب فى هذه الحالة 1\6 فرضا ، وبعد ما اصحاب الفروض ياخدوا فروضهم ، ياخد برضه الباقى ( ق.ع ) .
مــــــــــــثـال : توفى عن : بنت صلبية ، واب . وترك 30 جراما من الذهب .
الـــــــــحـــل : الورثة : للبنت ( 1\2 ف ) ، للاب ( 1\6 ف + ق.ع ) لوجود الفرع الوارث المؤنث .
اصل المسالة = 6
سهام الورثة = للبنت 3 ، للاب ( 1 + 2 ) قيمة السهم = 30 ÷ 6 = 5 جرامات
نصيب البنت = 3 × 5 = 15 جراما نصيب الاب = 3 × 5 = 15 جراما
-------------------------------------------------------------
الحالة الثالثة : وهى حالة عدم وجود فرع وارث مطلقا .. لا مذكر ولا مؤنث .. وهنا الاب هياخد ( ق.ع ) .
مـــــــثـــــــال : توفى عن : زوجة ، واب . وترك 40 فدانا ؟
الـــــــحــــــل : الزوجة ( 1\4 ف ) ، الاب ( ق.ع ) لعدم وجود فرع وارث مطلقا
اصل المسالة = 8
سهام الورثة = للزوجة 2 ، للاب 6 . قيمة السهم = 40 ÷ 8 = 5 افدنة .
نصيب الزوجة = 2 × 5 = 10 افدنة . نصيب الاب = 6 × 5 = 30 فدانا .
==================================
الدرس الخامس ميراث الام
الام يا جماعة هى المقصود بيها ام الميت مباشرة .. وده ليها 3 حالات فى الميراث .
الحالة الاولى : ترث السدس فرضا اذا :
1. لم يكن للميت فرع وارث مطلقا .. ولا مذكر ولا مؤنث .
2 . لم يكن للميت اثنان او اكثر من الاخوة والاخوات .. ايا كانوا بقى .. اخوة لام .. اخوة لاب .. اشقاء ..من ده على ده .. المهم انهم يكونوا 2 او اكثر ، وخدوا بالكم انهم حتى لو محجوبين مالناش دعوة .
مـــــــثـــــال : توفى عن \ بنت ابن ، اب ، ام ، جد
الـــــــــحــل : الورثة : لبنت الابن ( 1\2 ف ) ، للام ( 1\6 ف ) لوجود الفرع الوارث ، للاب ( 1\6 ف + ق.ع ) ، الجد محجوب بالاب .
مـــــــثــال اخر : توفى عن \ ام ، واب ، واخت شقيقة ، واخ لام ؟
الـحـل : للام ( 1\6 ف ) لوجود اثنان من اخوة الميت بالرغم من كونهم محجوبون بالاب، الاب ( ق.ع ) الاخ لام والاخت الشقيقة محجوبون بالاب
--------------------------------------------------------------
الحالة الثانية : وترث فيها الام الثلث فرضا ( 1\3 ف ) وذلك فى حالة عدم وجود فرع وارث مطلقا ، ولا اثنان او اكثر من الاخوة والاخوات . يعنى عكس الحالة اللى فاتت .
مــــــــــثــــال : توفى عن : زوج ، وام ، واخت لام ؟
الـــــــــحــــل : للزوج ( 1\2 ف ) ، للام ( 1\3 ف ) ، للاخت لام ( 1\6 ف )
------------------------------------------------------------
الحالة الثالثة : وهنا خدوا بالكم .. بترث ثلث الباقى من التركة بعد فرض احد الزوجين .. والمسالة ده ليها شكلين بس :
1 . توفى عن : زوجة ، وام ، واب . 2. توفيت عن : زوج ، وام ، واب .
مالهاش غير الشكلين دول .. وده اسمها المسالة الغراوية .. وفيها بترث الام ثلث الباقى من التركة .
مــــــثـــال : توفى عن : زوجة ، وام ، واب ؟
الـــــــحـل : للزوجة ( 1\4 ف ) ، للام ( 1\3 الباقى ف ) ، للاب ( ق.ع )
-----------------------------------------------------------
الدرس السادس ميراث الجد الصحيح
مين هو الجد الصحيح يا جماعة ؟
الجد الصحيح هو الذى لا يفصل بينه وبين الميت انثى . يعنى زى اب الاب ، واب اب الاب ،.... وهكذااما بقى اب الام ، واب ام الاب... الخ .. فده مش جد صحيح انما جد رحمى
طيب الجد الصحيح ده بيرث ازاى ؟
ركزوا معايا بقى كده وطقطقوا ودانكم علشان درس النهاردة مليان حبتين
الجد الصحيح يا جماعة له حالتان فى الميراث :
الحالة الاولى : يرث مثل الاب بالضبط . يعنى كانه اب . وده فى حالة اذا لم يكن للمتوفى اخوة اشقاء او لاب استنى استنى استنى كده .. ايه الكلام الكبير ده ؟
لا كبير ولا حاجة . كل ما فى الامر انك لو ما لاقيتش للميت اخوة اشقاء ( يعنى مثلا زى ، اخ شقيق ، اخت شقيقة )
ولا كان للميت اخوة لاب ( يعنى مثلا زى ، اخ لاب او اخت لاب وهكذا ) . وانت مغمض تروح شايل الجد وتحاسبه كانه اب .
بس خد بالك انت وهو وهى .. الاخوات لام لاه .. انا قلت اخوة اشقاء او لاب . لان الاخوة الام هنعرف بعد كده انهم بيتحجبوا بالجد
طيب فكرونى بقى كده الاب كان بياخد ايه شطار الاب كان ليه 3 حالات :
1 . يرث 1\6 ف اذا كان للميت فرع وارث مذكر . 2. يرث 1\6 + ق.ع ، اذا كان للميت فرع وارث مؤنث . 3. يرث ق.ع ، اذا لم يكن للميت فرع وارث مطلقا

مــــــثـــــــال : توفى عن : زوجة ، جد ، ابن .
الـــــــــحـــل : هنا الميت ليه اخوات اشقاء او لاب ؟ .. لا مالوش .. يبقى الجد يتعامل معاملة الاب
يبقى للزوجة 1\8 ، للجد 1\6 ( لانه كانه اب والاب بياخد السدس فى حالة وجود فرع وارث مذكر ) والابن هياخد ( ق.ع ) .
مــــــــثــــال : توفى عن : ام ، بنت ، جد
الــــــــحـــل : هنا للام 1\6 ، للبنت 1\2 ف ، للجد ( 1\6 + ق.ع )
--------------------------------------------------------
الحالة الثانية : وده بقى عكس الحالة الاولى . يعنى لو فى بقى للميت اخوة اشقاء او لاب ..واتفقنا ان الاخوة لام لاه لانهم بيحجبوا بالجد .
هنا بقى الجد هيرث ازاى ؟
بص يا سيدى : لو لاقيت فى المسالة جد ، ولاقيت للميت اخوة اشقاء او لاب .فى الحالة ده هتحل المسالة مرتين .
- مرة تحلها وتدى الجد (1\6 ف ) .
- ومرة تانية تحلها وتخلى الجد يقاسم اخوة الميت فى باقى التركة بعد اصحاب الفروض . وخدوا بالكم .
انا قلت يقاسمه مش يعصبهم .. فرق كبير .. يعنى كلهم ياخدوا الباقى مش ( ق.ع )
" خلاص حليناها مرتين . نشوف بقى . والله لو كان السدس اللى خده الجد الاول احسن له من انه يقاسم اخوة الميت . خلاص نديله السدس .
اما بقى لو كان السدس اقل من نصيبه لو قاسم اخوة الميت .. يبقى فكك من السدس وخليه يقاسمه احسن )
مــــــــــــــــــــــش فاهمين حاجة طبعا
مـــــــــــثــــال : توفى عن : زوجة ، ام ، جد ، اخوين شقيقين . وترك 1200 دولار .
الــــــــــــحــل : هنا تحل المسالة مرتان . مرة باعطاء الجد السدس فرضا . ومرة اخرى بمقاسمته للاخوة الاشقاء .
1 - الورثة : زوجة ( 1\4 ف ) ، ام ( 1\3 ف) ، جد ( 1\6 ف) ، اخوين ش ( ق.ع )
اصل المسالة = 12
سهام الورثة = للزوجة 3 ، للامة 4 ، للجد 2 ، للاخوين ش 3 .قيمة السهم = 1200 ÷ 12 = 100 دولار
نصيب الزوجة = 3 × 100 = 300 دولارا .نصيب الام = 4 × 100 = 400 دولارا
نصيب الجد = 2 × 100 = 200 دولارا .نصيب الاخين ش = 3 × 100 = 300 دولارا
" خلصت المسالة كده ؟ .. لا لسه .. هنحلها تانى ............................. "
2 . الورثة : الزوجة ( 1\4 ف ) ، الام ( 1\3 ف ) ، الجد والاخوين الشقيقين ( الباقى مقاسمة بالتساوى )
اصل المسالة = 12
سهام الورثة = للزوجة 3 ، للام 4 ، للجد والاخوين ش ( 5 )
قيمة السهم = 1200 ÷ 12 = 100 دولارا
نصيب الزوجة = 3 × 100 = 300 دولارا
نصيب الام = 4 × 100 = 400 دولارا
نصيب الجد والاخوين الشقيقين = 5 × 100 = 500 دولارا . تقسم بينهم بالتساوى فيكون لكل منهما . 166 دولار تقريبا . اذن نصيب الجد هنا قل من ان نعطيه السدس " ييجى الجد يقوللك لا يا عم .. انا هاخد السدس احسن .. عايزين تضحكوا عليا "
يبقى هنا نصيب الجد 200 دولار اى السدس .. اما بقى لو كانت المقاسمة اكتر .. كان الجد ابن الايه ده يقوللك لا يا حبيبى

الدرس السابع ميراث الجدة الصحيحة
من هى الجدة الصحيحة ؟
الجدة الصحيحة هى التى لا ياتى فيها اب بين امين .. يعنى لو لاقيت اب بين امين تعرف على طول ان ده جدة غير صحيحة
فمثلا : ام اب الام ، ام ام اب الام ، ام ام اب ام الام .. كل دول جدات غير صحيحات .
غير كده بقى فالباقى كله صحيح .. زى ام الاب ، ام الام ، ام اب الاب ، ام ام الام ..................الخ
الجدة بقى ليها فى الميراث حالة واحدة بس .
. ترث السدس فرضا ( 1 / 6 ف ) بشرط عدم وجود من يحجبها .طيب مين بقى اللى بيحجب الجدة الصحيحة ؟
1 . الام تحجب جميع الجدات .. يعنى لو لاقيت ام تعرف ان مافيش ولا جدة هتورث .
2 .الاب يحجب الجدة الابوية فقط .. يعنى ام الاب ، وام اب الاب .... الخ لكن خد بالك انت وهى .الاب ما يحجبشى الجدة الامية زى ام الام وام ام الام..... الخ .
3 . الجد يحجب الجدة التى تدلى الى الميت عن طريقه .. يعنى اب الاب يحجب ام الاب .. لانه لو ما كانشى اتجوزها ما كانتشى هتبقى جدة الميت .
4 . الجدة القريبة تحجب الجدة البعيدة . يعنى ام الاب ( تحجب ) ام اب الاب
" كده نبقى خلصنا ميراث الجدة .. صعبة ؟ "
============================================================================= الدرس الثامن و التاسع ميراث الاخوة والاخوات لام
الاخوة والاخوات لام لهم حالتان فى الميراث كالاتى :
1 . يرث السدس فرضا ( 1\6 ف ) اذا كان واحدا فقط .
مثال : توفى عن / اخ شقيق ، ام ، اخ لام .
الحل : للاخ الشقيق ( ق.ع ) ، للام ( 1\6 ف ) ، للاخ لام ( 1\6 ف ) لانه واحد فقط وليس معه من يحجبه .
2 . يرثون ( 1\3 ف ) اذا كانوا اكثر من واحد ، ذكورا كانوا او اناثا .
بس خدوا بالكم من الحتة المهمة اوى ده .. لو فى مثلا اخين لام واخت لام .. كلهم هيتقسم عليهم الثلث بالتساوى وليس للذكر مثل حظ الانثيين .
مثال : توفى عن : اخ شقيق ، اخ لام ، واخت لام .
الحل : للاخ الشقيق ( ق.ع ) لانه من العشرين اللى كتبناهم قبل كده ، للاخ لام والاخت لام ( 1\3 ف ) يقسم بينهم بالتساوى . مـوقــفـهــم من الــــــــــــحـــجب
=================
1 . الاخوة والاخوات لام يحجبون بالفرع الوارث المذكر او المؤنث . ( ابن او ابن ابن او بنت او بنت ابن ..... الخ ) .
2 . الاخوة والاخوات لام يحجبون بالاصل الوارث المذكر . ( الاب ، الجد الصحيح ............. الخ ) .


ياريت الى يستفيد يدعيلى بالنجاح

منقول للامانة

الله الموفق
اخوكم
عز العر ب
01228805550
الرجوع الى أعلى الصفحة اذهب الى الأسفل
محمود العراقى
عضو نشيط
عضو نشيط


عدد المساهمات : 30
معدل النشاط : 36
العمر : 32
مكان الامتحان : المنصورة
الكلية : الحقوق
الترم : السابع

مُساهمةموضوع: رد: شرح اخر باللغه العربية وباللهجه المصرية   الأربعاء 11 يناير 2012, 10:39 pm

بارك الله فى حضرتك .. وربنا يجعلها فى ميزان حسناتك
الرجوع الى أعلى الصفحة اذهب الى الأسفل
خالد
المشرف العام
المشرف العام


عدد المساهمات : 378
معدل النشاط : 481
مكان الامتحان : القاهرة
الكلية : الحقوق
الترم : تم التخرج

مُساهمةموضوع: رد: شرح اخر باللغه العربية وباللهجه المصرية   السبت 14 يناير 2012, 10:46 am

السلام عليكم

عمنا عـــــــــــــــــــــــــــــــــــــــــــــــــــز weeeeeeeeeeeeeeeeeeeeeeez

والله يا عمنا تسلم ايدك 14 صفحة بس في السليم بصراحه عملوا معايا شغل جامد
ابقي فكرني يا عمنا ليك عندي واحده كانز مشبرة (( والا اقولك الجو برد ))
هههههههههههههههه

تسلم ايدك يا عمنااااااااااااااااااااا
الرجوع الى أعلى الصفحة اذهب الى الأسفل
The Professor
عضو مميز
عضو مميز


عدد المساهمات : 210
معدل النشاط : 218
العمر : 25
مكان الامتحان : القاهره
الكلية : الحقوق
الترم : الخامس

مُساهمةموضوع: رد: شرح اخر باللغه العربية وباللهجه المصرية   الأربعاء 01 فبراير 2012, 3:25 am

بجد بجد مشكووووووووووووووووووور


الرجوع الى أعلى الصفحة اذهب الى الأسفل
safaa allam
عضو مميز
عضو مميز


عدد المساهمات : 142
معدل النشاط : 179
مكان الامتحان : الاسكندرية
الكلية : حقوق

مُساهمةموضوع: رد: شرح اخر باللغه العربية وباللهجه المصرية   الأربعاء 01 فبراير 2012, 6:48 am

ماشاء الله... رائع
الحمد لله انا خلصتها
لكن مجهود جميل لازم تشكر عليه
بالنجاح والتوفيق للجميع ان شاء الله
الرجوع الى أعلى الصفحة اذهب الى الأسفل
 
شرح اخر باللغه العربية وباللهجه المصرية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات جامعة القاهرة للتعليم المفتوح :: جامعة القاهرة للتعليم المفتوح :: منتدي كلية الحقوق :: الترم الخامس :: الشريعه الاسلاميه(المواريث والوصيه) كود 311-
انتقل الى:  
المواضيع الأخيرة
» الالتحاق بدراسة الحقوق
الخميس 13 أكتوبر 2016, 11:12 am من طرف osra26

» مراكز تدريب محاسبين
الثلاثاء 26 يوليو 2016, 9:24 pm من طرف ayaAlrowad

» ملخص التنفيذ للطباعة على طول
الإثنين 25 يوليو 2016, 11:42 pm من طرف ikamal

» الجزء العملى للتنفيذ الجبرى 416
الإثنين 25 يوليو 2016, 11:39 pm من طرف ikamal

» ملخص البابل شيت
السبت 23 يوليو 2016, 6:29 pm من طرف ikamal

» مراكز تدريب محاسبين
الأربعاء 20 يوليو 2016, 10:56 pm من طرف ayaAlrowad

» ملخص للطباعة على طول
الثلاثاء 19 يوليو 2016, 5:37 pm من طرف ikamal

» ملخص للطباعة على طول
الثلاثاء 19 يوليو 2016, 5:35 pm من طرف ikamal

» ملخص للطباعة على طول
الثلاثاء 19 يوليو 2016, 5:34 pm من طرف ikamal

» ملخص قانون العمل عبارة عن ملف وورد
الثلاثاء 19 يوليو 2016, 5:25 pm من طرف ikamal

» ملخص الادارة العامة 421 الجزء العملى
الثلاثاء 19 يوليو 2016, 5:21 pm من طرف ikamal

» ملخص التنفيذ الجبرى 416
الثلاثاء 19 يوليو 2016, 5:00 pm من طرف ikamal

» ملخص المدنى 413
الثلاثاء 19 يوليو 2016, 4:57 pm من طرف ikamal

» مشاركة في الله سبحانه
الثلاثاء 14 يونيو 2016, 4:00 am من طرف بكرحسن

» السلام عليكم
الثلاثاء 14 يونيو 2016, 3:53 am من طرف بكرحسن

» هااااام جدا جدا ف القانون الجنائي
الأحد 27 مارس 2016, 12:37 pm من طرف السيد اسماعيل

» المهم فى الادارى2016
السبت 06 فبراير 2016, 12:42 am من طرف سنترال

» الماجستير المهنى فى التجارة الإليكترونية والتسويق الإليكترونى
السبت 19 ديسمبر 2015, 4:05 pm من طرف ايما تيم

» ملخص الشريعة
الخميس 10 ديسمبر 2015, 9:48 am من طرف mido16

» المؤتمر العربي الرابع : التطوير الإداري في المؤسسات الحكومية (الإندماج بين النظم الرقمية و النظم الإدارية ) برئاسة المستشار / ايمن الجندي - بفندق اليت ورد - 20 ديسمبر
الخميس 12 نوفمبر 2015, 12:44 pm من طرف مروة الدار

» البرنامج التدريبي : المتحدث الرسمي الاعلامي اسطنبول – تركيا للفترة من 20 الى 24 ديسمبر 2015 م
الثلاثاء 10 نوفمبر 2015, 9:37 am من طرف مروة الدار

» ماجستير إدارة الأعمال المهني المصغر – اسطنبول – تركيا للفترة من 22 الى 31 ديسمبر 2015 م
السبت 07 نوفمبر 2015, 10:21 am من طرف مروة الدار

» المؤتمر العربي الرابع : التطوير الإداري في المؤسسات الحكومية (الإندماج بين النظم الرقمية و النظم الإدارية ) برئاسة المستشار / ايمن الجندي - بفندق سفير - 20 ديسمبر
الأربعاء 04 نوفمبر 2015, 11:42 am من طرف مروة الدار

» البرامج التدريبية: القاهرة – جمهورية مصر العربية بتاريخ : 27 الى 31 ديسمبر 2015 م
الأحد 01 نوفمبر 2015, 10:42 am من طرف مروة الدار

» فعاليات الدار العربية للتنمية الادارية المقرر انعقادها في القاهرة – جمهورية مصر العربية للفترة من 13 الى 17 ديسمبر 2015 م
السبت 31 أكتوبر 2015, 10:20 am من طرف مروة الدار

المواضيع الأكثر شعبية
صورة شهاده مركز جامعة القاهره للتعليم المفتوح { تحب تشوفها خش هنا}
صورة شهاده مركز جامعة القاهره للتعليم المفتوح { تحب تشوفها خش هنا}
هل شهادة مركز جامعة القاهرة للتعليم المفتوح معترف بيها فى التعينات " نعم معترف بها "
مـــــواد كليــــة الحقـــــــــوق
العيب الوحيد فى مركز جامعة القاهرة للتعليم المفتوح
مركز جامعة القاهرة للتعليم المفتوح
صدق او لا تصدق طب وصيدلة تعليم مفتوح وتقدم وانته معاك دبلوم صنايع . خش قول رأيك
حصريا تحميل الكتب الدارسيه للترم الاول
القانون النقابي
منظمات دولية الجزء الاول